Facebook ijtimoiy tarmog‘ida Universal Mobile Systems (UMS) mobil aloqa operatori sahifasi sifatida bir nechta sahifalar paydo bo‘ldi.

Xabar yozilayotgan vaqtda ulardan biri 3798 nafar obunachi to‘plagan bo‘lib, sahifa haqidagi ma’lumot bo‘limida “UMS (Universal Mobile Systems)ning rasmiy vakolatxonasi” deb berilgan va ums.uz manziliga havola ko‘rsatilgan. Shuningdek, sahifaga 26-noyabr kuni qo‘yilgan rasmda 01.12.2014 (yangi operator ish boshlaydigan kun) yozuvi mavjud.

Ikkinchisi esa 3123 nafar obunachi to‘plagan bo‘lib, sahifa haqidagi ma’lumot bo‘limida “UMS − O‘zbekiston” yozuvi keltirilgan va ums.uz manziliga havola berilgan.

Yana bir sahifa hozirda “UMS Uzbekistan” deb nomlangan va 810 obunachi yig‘gan bo‘lib, sahifa haqidagi ma’lumot bo‘limida “UMS Facebook’da: O‘zbekistondagi eng yirik aloqa operatorining rasmiy sahifasi” yozuvini topish mumkin.

Universal Mobile Systems (UMS) kompaniyasi ushbu sahifalardan birortasi o‘ziga tegishli ekanligi haqida rasmiy ma’lumot bermagan.

Avvalroq, 24-noyabrdan boshlab UMS o‘z rasmiy sayti va bosh ofisi devoriga o‘rnatilgan tablo orqali kompaniya ishga tushishini anglatuvchi teskari hisobni boshlagani haqida xabar berilgan edi.

Манба:Daryo.uz