“Koinot go‘zali — 2014” nomini kolumbiyalik Paulina Vega qo‘lga kiritdi, deya xabar bermoqda “RIA Novosti”.

“Koinot go‘zali” nomiga da’vogarlar beshligiga shuningdek AQSh, Niderlandiya, Ukraina va Yamayka vakilalari kirdi. Tanlov yanvar boshida Mayamida start oldi, final bosqich NBC telekanali orqali to‘g‘ridan-to‘g‘ri efirga uzatildi.

Tanlov g‘olibasi 22 yoshda bo‘lib, musiqasevar va katta oilada tug‘ilgan: uning uch aka-ukalari va to‘rt opa-singillari bor.

Paulinaga “Koinot go‘zali — 2013” Gabriela Ayler 300 ming dollarlik tojni kiydirdi. U Nyu-York osmonidagi osmono‘par binolar shaklida bo‘lib, moviy yoqut va 300 ta kichik olmos bilan bezatilgan.

Манба:Daryo.uz