Buyuk Britaniyaning The Financial Times nashri Apple texnologiya kompaniyalari bosh direktori Tim Kukni 2014-yilda biznes sohasidagi eng ta’sirli shaxs bo‘lganini e’lon qildi, deb xabar bermoqda “RBK”.

Apple’ning yangi rahbari kompaniyani muvaffaqiyatli boshqara olishini isbotladi, aslida bunga uch yil oldin uning asoschisi Stiv Jobs vafot etgach ko‘pchilik ishonmagandi. Bu yil Kuk Jobsning soyasidan chiqdi va kompaniya faoliyatida uning qadriyatlari va yo‘nalishlari ko‘rina boshladi, deyiladi The Financial Times xabarida.

Kukning muvaffaqiyatlari sifatida nashr iPhone 6 smartfonini, oktabr oyida taqdim etilgan Apple Pay to‘lov tizimi va 2015-yilda sotuvga chiqarilishi rejalashtirilgan Apple Watch soatlarini keltirgan. Shuningdek, Apple rahbari o‘zining besoqolboz ekanligini oshkor qilgani ham eslatib o‘tilgan.

Манба:Daryo.uz